கடந்த 06ம் தேதி
நண்பருடன் சென்னையிலிருந்து விழுப்புரம் வழியாக விருத்தாசலம் சென்று கொளஞ்சியப்பர்
சுவாமியை தரிசித்து வந்தேன். விழுப்புரம் தாண்டிச் செல்லும் வழியில்
உளுந்தூர்பேட்டைக்கு முன்னதாகவே நெடுஞ்சாலையில் அமைந்துள்ள பாலாஜி ஆர்யாஸ்
ஹோட்டலில் சுவையான மதிய உணவை முடித்துவிட்டு இருவருக்கான மதிய உணவுக்கு வெறும் 220 ரூபாய் கட்டணைத்தை ஆச்சர்யத்துடன்
செலுத்திவிட்டுக் கிளம்பிய சிறிது தூரத்தில் சாலையோரம் சிறு கூட்டம் சேர்ந்ததைக்
கண்டு வாகனத்தை நிறுத்தி. என்னவென விசாரித்தபோது ஒருவர் இரு சக்கர வாகனத்தில்
இருந்து தடுமாறி கீழே விழுந்து. மயக்கநிலையில் இருந்தார். சுற்றியிருந்தவர்களுக்கு
என்ன செய்வதென்றே தெரியாமல் தடுமாறிக் கொண்டிருந்த நிலையில். என்னுடன் வந்த நண்பர்
மேற்படி விபத்தில் சிக்கிய நபரின் பாக்கெட்டிலிருந்து விழுந்து கிடந்த மொபைல் போனை
எடுத்து அதில் விபத்தில் சிக்கிய நபரின் குடும்ப உறுப்பினர்களின் தொடர்பு எண்
இருக்கிறதா என தேட ஆரம்பித்தார். மோபைல் போன் லாக் செய்யப்பட்டிருந்தது. அதன்
உரிமையாளரோ மயக்க நிலையில் இருந்த நிலையில்
, அந்த ஆன்ட்ரர்ய்டு போனில் எமெர்ஜென்சி எண்கள்
சேமிக்கப் பட்டிருந்ததால் லாக் ஆகியிருந்த நிலையிலும் அதில் இருந்த உறவினர்கள்
,
நண்பர்களுக்கு தகவல்
தெரிவித்தார். ஆபத்தில் சிக்கிய நபர் அருகிலுள்ள கிராமத்தைச் சேர்ந்தவர் என்பதால்
சிறிது நேரத்தில் உறவினர்கள் வந்து அந்த நபரை மருத்துவ உதவிக்காக அழைத்துச்
சென்றனர்.
அப்போது எனக்குள் எழுந்த சிந்தனையின் விளைவே இந்தப் பதிவு. இன்றைய நவீன உலகில் நாம் அனைவரும் ஆன்ட்ராய்டு அல்லது ஐபோன் உபயோகப் படுத்துகிறோம். ஆனால் அவற்றில் உள்ள அனைத்து அம்சங்களையும் தெரிந்து உபயோகப்படுத்துகிறோமா? ஏன்று கேட்டால். இல்லை என்பதே நம்மில் பெரும்பாலானோரின் பதிலாக இருக்கிறது.
ஒரு பேச்சுக்கு, நீங்கள் வெளியில்
செல்லும்போது உங்களது செல்போனை எங்கோ தவறவிட்டு விட்டுவிட்டீர்கள் என வைத்துக்
கொள்வோம். ஆந்த செல்போனை யாரோ ஒருவர் கண்டெடுத்த நிலையில், அந்த செல்போன் யாருடையது, எவ்வாறு தொடர்பு கொண்டு செல்போனை ஒப்படைப்பது
என்ற கேள்விக்கும் நம்மிடம் பதில் இல்லை என்பதே நிதர்சனமான உண்மை.; நாம் நமது உறவினர்கள் அல்லது நண்பர்களின்
தொலைபேசி எண்ணை எமெர்ஜென்சி தொடர்பில் பதிவு செய்து வைத்திருந்தால், லாக் எடுக்காமலேயே எமெர்ஜென்சி தகவலில்
சேமிக்கப்பட்ட எண்ணைத் தொடர்பு கொண்டு உரியவரிடம் அந்த செல்போனை ஒப்படைக்க
முடியும்.
இதுபோல் தேவைப்படும் சமயங்களில் மிகவும் உபயோகமான இந்த “எமெர்ஜென்சி தகவல்” பற்றி அனைவரும் விரிவாக தெரிந்துகொள்ள வசதியாக
கீழே கில யூடுயூப் வீடியோ இணைப்புகளை கொடுத்துள்ளேன். அனைவருக்கும்
விழிப்புணர்வு
ஏற்படுத்துவதன் மூலம் யாரோ ஒருவரது உயிர் அல்லது உடமை காப்பாற்றப்படுமாயின்,
இந்த சமூகத்தின்
நன்மைக்கு நான் செய்யும் சிறு பங்களிப்பாக இந்த விழிப்புணர்வு கட்டுரை
அமைந்ததற்குமிகவும் மகிழ்ச்சியடைவேன்.
